Zwergentanz für den Schönwerth-Tag 2015 in Neusath
nach der Melodie "Mia san ma de lustign Hammerschmiedgselln"
Mia san ma de Zwergl da obn von der Mühl,
da obn von der Mühl, da obn von der Mühl.
Mia schuften und werkln und essn recht vül,
essen recht vül, vül.
In der Früah richt ma's Zeig zamm,
na geh ma zum Mahln, geh ma zum Mahln, geh ma zum Mahln.
Mia san voller Mehlstaub, tean koan so recht gfalln,
koan so recht gfalln, gfalln.
San ma schwarz, san ma weiß, ja was liegt denn da dro,
liegt denn da dro, liegt denn da dro,
so lang si der Müllerzwerg abwaschn ko,
abwaschn ko, ko.
Mir greifn ins Mahlwerk und treibn die Mühl o,
treibn de Mühl o, treibn de Mühl o.
Auf d'Nacht, wenn ma aufhörn, na hamma vül to,
hamma vül to, to.
Um Mitternacht, glei nach der Gei - sterstund,
Gei - sterstund, Gei - sterstund
da wiss ma an Schabernack, treibn ma's recht bunt,
treib ma's recht bunt, bunt.
Mia klopfn und hammern und tratzn de Leit,
tratzn de Leit, tratzn de Leit.
De schreckan vom Schlaf auf und rennan wia weit,
rennan wia weit, weit.
Trau ja net an so an kloawinzign Wicht,
kloawinzign Wicht, kloawingzign Wicht!
Bis d'umschaust, hast scho a Mords Watschn im Gsicht,
Watschn im Gsicht, Gsicht.
Am Tag drauf da mahln ma des Mehl wieder fein,
Mehl wieder fein, Mehl wieder fein.
Wenn ma arban, na müaß ma halt anständig sein,
anständig sein, sein.
Drum Müllersbuam, Zwergerlvolk, nehmts eich in Acht,
nehmts eich in Acht, nehmts eich in Acht,
dass koaner vo eich zu viel Schabernack macht,
Schabernack macht, macht.
Was taats denn ihr Menschen, ohne Mehl ohne Brot,
ohne Mehl, ohne Brot, Mehl ohne Brot?
Drum mahl ma mia Zwergerl, na habts gar koa Not,
habts gar koa Not, Not.
Erika Eichenseer, 27.6.2015